3 Ermənistan hərbçisi KORONAVİRUSA YOLUXDU

Ermənistan silahlı qüvvələrində koronavirus infeksiyasına ilk üç yoluxma hadisəsi qeydə alınıb.

News24.az xarici KİV-ə istinadən xəbər verir ki, bu barədə ölkənin Müdafiə Nazirliyi məlumat yayıb. Bildirilib ki, 25 mart ərəfəsində döyüş tapşırıqlarına cəlb olunmayan hərbi hissənin üç hərbi qulluqçusundan koronavirus nümunəsi götürülüb. Test nəticəsində onların hər üçünə də koronavirus diaqnozu qoyulub. Məlumatda qeyd edilib ki, həmin hərbçilərdən birinin ailə üzvündə də koronavirusa yoluxma halı olub.