Azərbaycan Rusiyadan koronavirus peyvəndi ala bilər, amma... - Ceyhun Bayramov AÇIQLADI

"Azərbaycan Rusiya tərəfindən hazırlanan koronavirus peyvəndini Ümumdünya Səhiyyə Təşkilatı (ÜST) tərəfindən tanınması üçün prosedurlar başa çatdıqdan sonra almaq imkanını nəzərdən keçirməyə hazırdır".

News24.az-ın TASS-a istinadən verdiyi məlumata görə, bunu Azərbaycanın xarici işlər naziri Ceyhun Bayramov deyib:"Peyvənd almaqda maraqlı olduğumuz üçün ilk növbədə ÜST tərəfindən "Sputnik V" peyvəndinin tanınması üçün lazımi prosedurlar tamamlanmalıdır. Sonra rusiyalı həmkarlarımızın bu sahədə əməkdaşlıq təkliflərini nəzərdən keçirə bilərik".

C.Bayramov əlavə edib ki, Azərbaycan ÜST-ə üzv dövlət olaraq koronavirusla bağlı tövsiyə və müalicə metodlarına sadiqdir.