Hüquq fakültəsinə qəbul olmaq istəyənlərin NƏZƏRİNƏ

"500-dən aşağı bal toplayanların hüquq fakültəsinə qəbul olma şansı azdır".

News24.az-ın məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib. O bildirib ki, Naxçıvan Dövlət Universitetində, Dövlət İdarəçilik Akademiyası və ADA-da da hüquq fakültələri mövcuddur:"Ən yüksək keçid balı ingilis dilində olan hüquq fakültəsindədir. BDU-da hüquqşünas ixtisası üçün 20 qiyabi, 300 əyani yer var. III qrup üzrə 620-dən yuxarı bal toplayan 308 nəfər var, ehtimal yüksəkdir ki, onlar hüquqa daxil olsunlar". 

M. Abbaszadə bildirib ki,  DTX-nın Akademiyası və Polis Akademiyasına III qrupda kifayət qədər qəbul olan var, ötən il keçid balları 500 baldan yuxarı olub: "III qrupda 610 baldan yuxarı bal toplayan 406 nəfər, 600 baldan yuxarı bal qazanan 555 nəfər var. Hər halda 600 baldan yuxarı nəticə göstərən hər kəsin hüquqşünaslığa dövlət sifarişli yerlərə qəbul olmaq şansı var”.