“Biz zəfər çalacağıq!” - "Qarabağ bizimdir və Qarabağ Azərbaycandır" - Ali Baş Komandan

“Tarixi həqiqət bizim tərəfimizdədir. Bütün təşkilatlar bizim ərazi bötüvlüyümüzü tanıyır. 30 ilə yaxındır ki, beynəlxalq danışıqlar aparılır. Amma bunun sonunda Ermənistan bütün prosesi iflic vəziyyətə salıb”. 

News24.az xəbər verir ki, bu sözləri Prezident, Silahlı Qüvvələrin Ali Baş Komandanı İlham Əliyev Azərbaycan xalqına müraciətində deyib. 

Dövlət başçısı bildirib ki, biz öz torpağımızda vuruşuruq: 

“Bu gün Azərbaycan Ordusu öz torpağında Azərbaycanın ərazi bütövlüyünü qoruyur, müdafiə edir. Erməni əsgərinin bizim torpağımızda nə işi var?! Ermənistan ordusunun bizim torpağımızda nə işi var?! Heç kəs üçün sirr deyil ki, dırnaqarası Dağlıq Qarabağ ordusunun tərkibində olan şəxsi heyətin 90 faizi Ermənistan vətəndaşlarıdan ibarətdir. Ermənistan işğalçı dövlətdir, bu işğala son qoyulmalıdır və qoyulacaqdıq. Biz haqq yolundayıq, bizim işimiz haqq işidir və biz zəfər çalacağıq. Qarabağ bizimdir və Qarabağ Azərbaycandır".