Ali və Apellyasiya məhkəmələrinə hakimlər təyin olundu

Milli Məclisin bu gün keçirilən plenar iclasında “Naxçıvan Muxtar Respublikası Ali Məhkəməsi hakimlərinin təyin edilməsi haqqında” məsələ müzakirəyə çıxarılıb.

News24.az xəbər verir ki, sənəd parlamentə Azərbaycan Prezidentinin imzası ilə daxil olub.

Sənədə əsasən, aşağıdakı şəxslərin Naxçıvan Ali Məhkəməsinə hakim təyin olunması üçün namizədliyi irəli sürülüb:

1. Allahverdiyev Əli Kərim oğlu

2. Kuimova Vera Gennadiyevna

3. Qurbanov Yusifəli Süleyman oğlu

Həmçinin bu gün keçirilən plenar iclasda “Şəki Apellyasiya Məhkəməsi hakimlərinin təyin edilməsi haqqında” məsələ də müzakirəyə çıxarılıb.

Sənədə əsasən, Nuru Nadir oğlu Quliyev Şəki Apellyasiya Məhkəməsinin hakimi təyin edilib.

Rafail Əyyub oğlu Əliyev isə vəzifəsinin dəyişdirilməsi ilə əlaqədar olaraq Şəki Apellyasiya Məhkəməsinin hakimi vəzifəsindən azad olunub.

Eyni zamanda Milli Məclisin bu gün keçirilən plenar iclasında “Gəncə Apellyasiya Məhkəməsi hakimlərinin təyin və azad edilməsi haqqında” məsələ müzakirə edilib. 

Gəncə Apellyasiya Məhkəməsinin hakimi vəzifəsinə Salman Bilal oğlu Hüseynov və Mirbahəddin Mirdamət oğlu Hüseynovun namizədliyi irəli sürülüb.

Tapdıq Şükür oğlu Mahmudov isə vəzifəsinin dəyişdirilməsi ilə əlaqədar olaraq Gəncə Apellyasiya Məhkəməsinin hakimi vəzifəsindən azad edilib.

Plenar iclasda “Şirvan Apellyasiya Məhkəməsi hakimlərinin təyin edilməsi haqqında” məsələnin müzakirəsi baş tutub. 

Sənədə əsasən, aşağıdakı şəxslərin Şirvan Apellyasiya Məhkəməsinin hakimi vəzifəsinə namizədliyi irəli sürülüb:

1. Abdullayev Vəli Əsgər oğlu (səlahiyyət müddəti başa çatıb)

2. Allahyarov Zaur Mirzağa oğlu

3. Bağırov Məhəmməd Ənvər oğlu

4. Mayılov Samir İlham oğlu

Məsələ müzakirələrdən sonra səsverməyə çıxarılaraq qəbul edilib.