"Ən yaxın və əziz insanım getdi..." - Xalq artisti vəfat edən HƏYAT YOLDAŞINDAN YAZDI

Xəbər verildiyi kimi, Xalq artisti Təranə Muradovanın həyat yoldaşı dünyasını dəyişib.

News24.az bildirir ki, Bakı Xoreoqrafiya Akademiyasının prorektoru həyat yoldaşı Ramiz Cəlilovla bağlı paylaşım edərək bunları yazıb: "Bu gün mənim ən yaxın və əziz insanım getdi - Ramizim... Ruhumun, ürəyimin yarısını əbədi olaraq özü ilə götürərək əbədiyyətə getdi. Ramiz, mənim sevimlim və əzizim! Sən sadəcə mənim ərim deyildin. Mənim ən sadiq dostum, məsləhətçim və yoldaşım idin. Səninlə uzun və çətin bir yol keçdik. Ancaq hər zaman mənim etibarlı qorumam və güclü dayağım olmusan. Həmişə güclü, ağıllı, maraqlı olmusan. Mənə o qədər sevgi, xoşbəxtlik və sevinc bəxş etdin ki, hər zaman yanımda olduğunu bilə-bilə bütün çətinliklərin öhdəsindən gəldim. Mənim itkim nə qədər çətin olsa da, bilirəm ki, sən həmişə yanımda olacaqsan və məni hər şeydən xilas edəcəksən, çünki indi sən mənim qoruyucu mələyimsən".