Amaliya Pənahova vəfat etdi

Amaliya Pənahova 1945-ci ildə Gəncə şəhərində anadan olub. 1966-cı ildə M.A.Əliyev adına Azərbaycan Dövlət Teatr İnstitutunun Dram və kino aktyorluğu ixtisasını bitirib.

1974-cü ildə Azərbaycan SSR əməkdar artisti, 1985-ci ildə isə Azərbaycan SSR xalq artisti fəxri adı verilmişdir.

1982-ci ildə ilin aktrisası elan edilmiş, 1998-ci ildə isə türk dünyasının birinci kino festivalında türk dünyasının altı populyar aktyoru sırasında adı qeyd olunmuşdur.

Prezident təqaüdçüsü olanAmaliya Pənahova,2000–2005-ci illərdə Azərbaycan Respublikası Milli Məclisinin millət vəkili, sosial-siyasət daimi komissiyasının üzvü olub.

Ömrünün sonunadək teatr və kino sahəsində beş yüzdən artıq obraz canlandıran A. Pənahova, 17 iyun2015-ci ildə Azərbaycan mədəniyyətinin inkişafında böyük xidmətlərinə görə "Azərbaycan Respublikası Prezidentinin fəxri diplomu" ilə təltif edilmişdir.

Amaliya Pənahova 8 noyabr 2018-ci ildə vəfat etmişdir.

Allah rəhmət eləsin!

News24.az xəbər verir ki, bu barədə əməkdar artist Hüsniyyə Mürvətova məlumat yayıb.