Həftə sonları ictimai nəqliyyatın fəaliyyəti bərpa ediləcəkmi? - RƏSMİ

İctimai nəqliyyatın şənbə və ya bazar günü işləməsi məsələsi hələlik müzakirə olunmur.

News24.az-ın məlumatına görə, bunu Azərbaycan Prezidentinin köməkçisi Şahmar Mövsümov jurnalistlərə deyib.

O qeyd edib ki, infeksiyanın tempinin artmasının bir çox səbəbləri var və ən böyük səbəblərdən biri insanların aktivliyidir: “Nəzər yetirsəniz, görərsiniz ki, şənbə və bazar günləri ictimai nəqliyyatın işləməməsi səbəbindən aktivlik aşağı düşür. Bunun hesabına biz yoluxmanın sürətinin qarşısını alırıq”.