SABAH qruplarında müəllim işləmək üçün qeydiyyat tarixi uzadıldı

Təhsil Nazirliyinin SABAH qruplarında 2021-2022-ci tədris ilinin payız semestrində müxtəlif fənlərin tədrisini aparmaq məqsədilə professor-müəllim heyəti və mütəxəssislərin işə qəbulu ilə əlaqədar müraciətlərin qəbulu prosesi avqustun 29-dək davam edəcək.

Bu barədə News24.az-a Təhsil Nazirliyindən məlumat verilib.

Məlumata görə, İştirak etmək istəyən namizədlər 29 avqust saat 00:00-dək müraciət edə bilərlər.

Müsabiqədə magistr dərəcəsi, yüksək səviyyədə İKT və sahə bilikləri olan, innovativ tədris metodlarından istifadə edə bilən, eyni zamanda müasir pedaqoji yanaşmalara malik, dinamik, pozitiv və ünsiyyətcil namizədlər iştirak edə bilərlər.