"Pilotlar küləyin sürətini və eniş qaydalarını nəzərə almadığı üçün hadisə qaçılmaz olub"

"İstintaqın hazırkı mərhələsində cinayət işi üzrə çoxsaylı şahidlər dindirilib. 30 noyabrda qəza baş verən ana qədər hər hansı qanun pozuntusuna yol verilməsi müəyyən edilməyib. Helikopterin şəxsi heyəti qaydalara uyğun olaraq təlim həyata keçirib".

News24.az xəbər verir ki, bunu Qaraheybət poliqonunda hərbi helikopterin təlim uçuşları zamanı qəzaya uğraması faktı ilə bağlı cinayət işi üzrə əldə olunmuş ilkin nəticələrə dair keçirilən brifinqdə baş prokurorun birinci müavini, III dərəcəli dövlət ədliyyə müşaviri Elçin Məmmədov deyib.

O bildirib ki, qara qutunun istintaqı Çexiya Baş Prokurorluğu ilə birgə həyata keçirilib: "Pilotlar eniş zamanı küləyin sürətini və eniş qaydalarını nəzərə almadığı üçün hadisə qaçılmaz olub".