Oğurluq anı kameraya düşdü - Video

Oğurluq anı kameraya düşdü - Video
HADİSƏ / Video

15-01-2022, 11:45

Mətn ölçüsü

Bakıda telefon və velosiped oğurlayanlar saxlanılıb, onların oğurluq etməsi görüntüləri anbaan kameraya düşüb.

DİN Mətbuat xidmətindən News24.az-a verilən məlumata görə, paytaxt ərazisində yerləşən mağazalardan birində işləyən şəxs obyektə müştəri kimi gələn bir nəfərin kassanın yanında ona məxsus 2 ədəd mobil telefonu oğurladığını bildirib. Hadisəni törətməkdə şübhəli bilinən Bakı şəhər sakini Ümüdbəy Babayev qısa zamanda saxlanılıb. Araşdırma zamanı onun paytaxtın Yasamal, Nərimanov və digər rayonlarında da eyni üsulla, yəni mağazalara müştəri kimi daxil olub satıcının başının qarışmasından istifadə edərək kassadan pul və mobil telefonlar oğurladığı müəyyən edilib.

Ümüdbəy Babayevin bu üsulla paytaxt ərazisində 10-dan çox mağazadan oğurluq etdiyi məlum olub. Onun bəzi mağazalardan oğurluq etməsi müşahidə kameraları vasitəsi ilə də görüntülənib.

Digər bir əməliyyat zamanı binaların dəhlizlərində olan velosipedləri oğurlayan şəxs saxlanılıb. Əvvəllər məhkum olunmuş paytaxt sakini Kənan Məmmədov tutulub. Onun Səbail rayonunda bir nəfərin dəyəri 1200 manat olan velosipedini oğurladığı sübuta yetirilib. Kənan Məmmədovun da etdiyi oğurluq kameralar vasitəsi ilə lentə alınıb. Saxlanılan şəxsin ətrafında əməliyyat-istintaq tədbirləri davam etdirilir.

YouTube