Gənclər Fondunun 10 illik yubileyi ilə bağlı festival təşkil olundu

Prezident İlham Əliyevin təşəbbüsü ilə təsis edilən Gənclər Fondunun 10 illik yubileyi münasibətilə Dənizkənarı Milli Park ərazisində gənclər festivalı təşkil olunub.

News24.az xəbər verir ki, festivalda Fondun həyata keçirdiyi proqramlar və iri miqyaslı layihələrin əyani təqdimatı, aparıcı gənclər və könüllü təşkilatlarının stendlərindən ibarət sərgi, intellektual oyunlar, yumşaq bacarıqlar üzrə təlimlər, viktorinalar, istedadli gənclarin musiqi proqramları nümayiş etdirilib.

Festival zamanı Fondun fəaliyyət istiqamətləri, həyata keçirdiyi layihələr haqqında infoqrafik və informativ videolar, o cümlədən Fondun yerli və beynəlxalq tərəfdaşlarının təbrik müraciətləri göstərilib.