Milli Qəhrəman Şikar Şikarovun anım günü ilə bağlı tədbir keçirildi

Bu gün Azərbaycan Hərb Tarixi Muzeyində Azərbaycanın Milli Qəhrəmanı polkovnik Şikar Şikarovun vəfatının 30-cu ildönümünə həsr olunmuş “Ordunun dayağı Şikar!” adlı anım günü tədbiri keçilib.

News24.az-ın məlumatına görə, anım tədbirində Müdafiə Nazirliyinin idarə və müəssisələrinin nümayəndələri, Milli qəhrəmanın ailə üzvləri – oğlu Faiq Şikarov, gəlini Elnarə Cəbiyeva, nəvələri, qardaşları və dostları Elxan Qəniyev, Tofiq Qəhrəmanov, Mehman Səlimov iştirak edib.

Anım tədbirində muzey rəisi e.o. polkovnik Əzizağa Qəni-zadənin qəhrəmanın həyatı və hərbi fəaliyyətinə həsr olunmuş məruzəsi, döyüş yoldaşları və ailə üzvlərinin Şikar Şikarovla bağlı xatirələri dinlənilib, sənədli film və sərgi nümayiş olunub.
 
Anım tədbirinin bədii hissəsində Həzi Aslanov adına İdeoloji iş və Mədəniyyət mərkəzinin mahnı və rəqs ansamblının ifasında hərbi-vətənpərvərlik mahnıları səsləndirilib.

Tədbir xatirə şəklinin çəkdirilməsi və çay süfrəsi ilə sonlandırılıb.