Təhsil naziri: "Hələ də bəzi müəllimlər "anbar" sözünü "ambar" kimi yazır"

"Hələ də bəzi müəllimlər anbar sözünü "ambar" kimi yazır. 469 müəllim sertifikasiyada “anbar”, “şənbə” və “pambıq” sözləri verilmiş test tapşırığında sözün düzgün yazılışını tapa bilməyib. 770 müəllim isə "səhf", "asfalt", "dasdan", "cəmiyət", "radiyo" sözlərindən hansının düz yazıldığını tapa bilməyib". 

News24.az xəbər verir ki, bunu elm və təhsil naziri Emin Əmrullayev Bakı şəhəri təhsil işçilərinin sentyabr konfransında çıxışı zamanı deyib.

Onun sözlərinə görə, təhsilverənlərin sertifikasiya imtahanlarında müəllimlər daha çox sözlərdə hərflərin ardıcıllığı ilə bağlı suallara səhv cavab verib: "Bu göstərici 18 faiz təşkil edir".