MİDA-nın mənzil seçimi sabah yenidən keçiriləcək

Mənzil İnşaatı Dövlət Agentliyi (MİDA) sabah Yasamal Yaşayış Kompleksinin ikinci mərhələsi üzrə 18 binada 815 güzəştli mənzili satışa çıxaracaq.

News24.az xəbər verir ki, mənzillərin satışı 24 sentyabr 2022-ci il tarixində saat 15:00-da başlayacaq.

Qeyd edək ki, sabah Bakı şəhəri, Yasamal rayonu, Xarici dairəvi yolu “6” ünvanında yerləşən Yasamal Yaşayış Kompleksinin ikinci mərhələsinin 4 saylı binası üzrə 64, 5 saylı binası üzrə 53, 6 saylı binası üzrə 44, 9 saylı binası üzrə 44, 10 saylı binası üzrə 64, 11 saylı binası üzrə 54, 12 saylı binası üzrə 44, 14 saylı binası üzrə 21, 17 saylı binası üzrə 44, 18 saylı binası üzrə 44, 19 saylı binası üzrə 41, 20 saylı binası üzrə 8, 21 saylı binası üzrə 44, 22 saylı binası üzrə 39, 23 saylı binası üzrə 39, 24 saylı binası üzrə 24, 25 saylı binası üzrə 72 və 26 saylı binası üzrə 72 mənzil satışa çıxarılacaq.

Xatırladaq ki, qeyd olunan mənzillər 15 sentyabr tarixində satışa çıxarılmalı idi, lakin 11 ölkəyə məxsus 47 IP ünvanından kiberhücum nəticəsində satış təxirə salınıb.