Bayden Zelenski ilə telefonla danışıb

ABŞ prezidenti Co Baydenlə Ukrayna prezidenti Volodimir Zelenski arasında telefon danışığı olub.

News24.az xəbər verir ki, bu barədə Ağ Ev məlumat yayıb.

Co Bayden bildirib ki, Vaşinqton heç bir vaxt Ukrayna ərazilərinin Rusiyanın nəzarətinə keçməsini tanımayacaq.

Telefon danışığında ABŞ-ın Vitse-prezidenti Kamala Harris də iştirak edib.

Söhbət əsnasında Bayden Ukraynaya yeni hərbi yardım paketi barədə anons verib.

Bu yardıma HİMARS yaylım atəşli reaktiv sistemlər də daxildir.

625 milyon dollarlıq yardım paketinıə artilleriya sistemləri, sursat və zirehli texnika daxildir.