Anar Hüseynovun nəşi Bakıya gətirildi

Rusiyada vəfat edən rejissor Anar Hüseynovun nəşi bu gün Bakıya gətirilib. 

News24.az xəbər verir ki, bu haqda onun qardaşı Vüqar Hüseynov deyib. O bildirib ki, mərhumun nəşi hazırda doğulduğu Şəkiyə aparılır.
"Günorta saatlarında Anar Şəkidə dəfn olunacaq" deyə, o, əlavə edib.

Qeyd edək ki, Anar şəkər xəstəliyindən əziyyət çəkirdi. Qardaşı ölümün səbəbinin şəkər olduğunu deyib. O, komaya düşüb və həyatını xilas etmək mümkün olmayıb. Mərhum son illər Moskvada yaşayırdı. /Axşam.az