Bakıda evdə qorxulu anlar: Qaz balonu alovlandı, qadın yandı

Bakıda 52 yaşlı qadın yaşadığı evdə yanıq xəsarətləri alıb.

News24.az-ın əldə etdiyi məlumata görə, hadisə ötən gecə Sabunçu rayonu Bakıxanov qəsəbəsi Mehdi Hüseynzadə küçəsi 11 ünvanındakı binada baş verib.

Binadakı mənzillərdən birinin mətbəx otağındakı qaz balonu qəfil alovlanıb. Bu zaman ev sahibi, 1971-ci il təvəllüdlü Nailə Yəhya qızı Bədirxanova yanan qaz balonunu evdən xaric etməyə çalışıb. Nəticədə qadın əl və ayaq nahiyələrindən yanıq xəsarətləri alıb.

Faktla bağlı araşdırma aparılır.

Taleh BAĞIROV