Rusiyada küçədə pişikləri öldürən şəxsə həbs cəzası verildi

Moskvanın Çeryomuşkinski Rayon Məhkəməsi pişikləri qəsdən öldürən şəxsə hökm çıxarıb.

News24.az xəbər verir ki, 10-a yaxın pişiyi pnevmatik silahla öldürən Krivyakov Oleq Pavloviç iki il altı ay müddətinə azadlıqdan məhrum edilib. O cəzasını məntəqə tipli koloniyada çəkəcək.

Krivyakov xuliqanlıq və heyvanlara qarşı amansızlıqda təqsirli bilinib. İstintaqın məlumatına görə, o, pnevmatik tapança ilə küçədə pişikləri vurub.
Məhkəmə protokolunda qeyd olunub ki, Krivyakovun vurduğu iki pişik sağ qalıb və onlar maddi sübut kimi tanınıb.//apa