Azərbaycanın Tehrandakı səfirliyinə silahlı hücumla bağlı YENİ DETALLAR

Azərbaycanın Tehrandakı səfirliyinə silahlı hücum edən 50 yaşlı kişi olub. 

News24.az xəbər verir ki, bu barədə Trend məlumat yayıb. 

Bildirilib ki, o, “KIA Pride” markalı maşınla səfirliyin inzibati binasının yanına gəlib. Bu zaman onun yanında 7 yaşlı oğlan və 14 yaşlı qız övladları olub. 

O, binaya daxil olan kimi atəş açıb. Səfirliyin mühafizə xidmətinin rəisi hadisə zamanı silahsız olub.

Xatırladaq ki, bu gün səhər saatlarında Azərbaycanın Tehrandakı səfirliyinə silahlı hücum edilib. Hücum dəf edilərkən diplomatik missiyanın mühafizəsinə cavabdeh olan Azərbaycan təhlükəsizlik qüvvələrinin əməkdaşı Orxan Əsgərov qəhrəmancasına həlak olub, daha iki nəfər yaralanıb. Hücum edən şəxs saxlanılıb.