Oğlu İsveçrədə həlak olan Mahir Yaqubov vəfat etdi

“Azərbaycan Hava Yolları” Qapalı Səhmdar Cəmiyyətinin Moskvadakı sabiq federal nümayəndəsi Mahir Yaqubov vəfat edib.

News24.az-ın əldə etdiyi məlumata görə, M.Yaqubov xəstəlik səbəbindən dünyasını dəyişib.

Qeyd edək ki, Mahir Yaqubovun 23 yaşlı oğlu Azər Yaqubov 2016-cı ildə İsveçrədə faciəli şəkildə dünyasını dəyişib. Belə ki, onun idarə etdiyi “BMW X6" markalı avtomobil Luqano gölünə düşüb və nəticədə o, yanındakı sərnişin - rusiyalı milyarder Platon Lebedevin nəvəsi Diana Lebedeva ilə birgə boğularaq vəfat ediblər. 

Azər Yaqubov İsveçrədə yaşayıb və TASİS özəl elit məktəbində təhsil alıb.