“Öz gələcəklərini düşünməyən millətlər qurban olmalıdır” - Deputat

“Zəlzələdə binaların dağılmasını Allahın imtahanı kimi qiymətləndirmək birbaşa insan ağlı ilə bağlı məsələdir. Hansı millətlərin ağlı yerində deyilsə, öz gələcəklərini düşünmürlərsə, onlar qurban olmalıdır. Bu məsələ müharibəyə hazırlıq, bina tikintiləri və bir sözlə, hər şeyə aiddir”. 

Bu fikirləri News24.az-a açıqlamasında millət vəkili Fazil Mustafa deyib.

O bildirib ki, hər bir insan Allahın yaratdığı varlıqdır və bir taleyə tabedir: “Amma bu tabelik o demək deyil ki, insan ağlını istifadə etməməlidir. Ona görə də zəlzələdə binaların dağılması texniki problemdir, mühəndis səhvidir, yaxud da məsuliyyətsizlikdir. Bu məsələləri həll etmək lazımdır. Yoxsa zəlzələdə insan taleyini günahlandırmaq absurddur”.