“Qarabağın məşhur müəllimləri” - Əliyar Əliyev

“Qarabağın məşhur müəllimləri” - Əliyar Əliyev
DAĞLIQ QARABAĞ / HADİSƏ

27 oktyabr 2020, 13:00

Mətn ölçüsü

Təhsil Nazirliyi “Qarabağın məşhur müəllimləri” layihəsinin növbəti siması olaraq Əliyar Əliyevi seçib.

News24.az xəbər verir ki, nazirliyin saytında Milli Qəhrəmanımızın həyat və döyüş yolu ilə bağlı qısa məlumat yerləşdirilib.

Məlumatda qeyd olunur ki, Əliyar Əliyev 1957-ci il dekabrın 14-də Qubadlı rayonunun Qazyan kəndində anadan olub. 1979-cu ildə Azərbaycan Dövlət Bədən Tərbiyəsi İnstitutunu fərqlənmə diplomu ilə bitirdikdən sonra bir müddət Qubadlı rayonunun Dondarlı kənd orta məktəbində idman müəllimi işləyib. O, iki il Saransk Dövlət Universitetində, daha sonra doğma kəndində pedaqoji fəaliyyətini davam etdirib. 

Qarabağ müharibəsində iştirak edən Əliyar Əliyevin qəhrəmanlığı dillər əzbəridir. O, ölümündən sonra Azərbaycan Respublikası Prezidentinin fərmanı ilə Azərbaycanın Milli Qəhrəmanı adına layiq görülüb.

Qeyd edək ki, “Qarabağın məşhur müəllimləri” layihəsi çərçivəsində Qarabağda doğulan və vaxtilə pedaqoji fəaliyyətlə məşğul olan tanınmış şəxslər barədə məlumatlar təqdim olunur. Layihənin məqsədi müzəffər Azərbaycan Ordusunun qələbə xəbərlərinə sevindiyimiz bu günlərdə Qarabağın məşhur müəllimlərini yad etməkdir.