33 nəfərin meyiti sudan çıxarıldı - Dəhşətli hadisə

ABŞ-ın Santa-Kruz adası sahillərində gəminin batması nəticəsində itkin düşən 33 nəfərin meyitini xilasedicilər suyun üzünə çıxarıblar. Bir nəfərin cəsədi hələ tapılmayıb.

News24.az xəbər verir ki, bu barədə ABŞ Sahil Mühafizəsi məlumat yayıb.

Gəminin qəza şəraitinin araşdırılmasında Federal Təhqiqatlar Bürosu da iştirak edir.

Xatırladaq ki, gəmi sentyabrın 2-də Santa-Kruzun şimal sahilindən 18 mil aralıda batıb.

Heyət üzvlərindən beş nəfər xilas ola bilib.