Rusiya Ukraynaya BARIŞIQ TƏKLİF ETDİ
    • 25-09-2019, 13:28
    • 951

Rusiya Ukraynaya BARIŞIQ TƏKLİF ETDİ

Rusiyanın "Qazprom" şirkəti Ukraynanın "Naftogaz" şirkətinə qarşılıqlı maliyyə iddialarından imtina etməyi təklif edib.

News24.az "RİA"-ya istinadən xəbər verir ki, Rusiyanın Energetika naziri Aleksandr Novak bildirib ki, məhz bu tərəflər arasında barışıq sazişinin "sıfır variantı"dır. 

Təklif sentyabr ayında, Rusiya, Ukrayna və Avropa Komissiyası arasında qazla bağlı üçtərəfli məsləhətləşmələrdən sonra elan edilib.

Qeyd edək ki, "Naftogaz" ilə tranzit müqavilələri və 2009-cu ildən yanacaq tədarükünə dair arbitraj mübahisələrinin nəticələrinə görə, Rusiya şirkəti Ukrayna tərəfinə 2,6 milyard dollar borcludur. Moskva arbitraj qərarı ilə razılaşmır və hesab edir ki, məhkəmə bir-biri ilə əlaqəli iki müqaviləyə əsasən "tamamilə fərqli məntiqlə" qərar verib. Rusiya maraqların balansının pozulduğunu israr edir.

Bundan əvvəl, Naftogaz, Gazprom-un Stokholm arbitraj qərarları ilə Ukraynadakı borcunu, faizi nəzərə alaraq 2.817 milyard dollara qədər artdığını söylədi.