ABŞ HAMAS-la razılıq əldə etdi - Şərtlər açıqlandı

ABŞ administrasiyası HAMAS fələstin hərəkatı ilə razılaşma əldə edib.

News24.az xəbər verir ki, bu barədə fələstinli mənbə "Sky News" telekanalına məlumat verib.

Razılaşmaya əsasən, qruplaşma silahsızlanacaq və Qəzza sektorundakı tunellərin xəritəsini təqdim edəcək, bununla yanaşı siyasi partiya kimi fəaliyyət göstərmək hüququnu saxlayacaq.

“Münaqişə zonasını tərk etmək istəyən siyasi və hərbi liderlər bunu özləri üçün risk olmadan edə biləcəklər. ABŞ İsrailin onlara qarşı hər hansı addım atmamağa zəmanət verməsində israr edəcək”, - deyə mənbə bildirib.

ABŞ tərəfinin daha bir təşəbbüsü Qəzza sektorunun yeni administrasiyasına HAMAS-dan olan məmurların və polis əməkdaşlarının cəlb edilməsini nəzərdə tutur. Bunun üçün onlar həm İsrail, həm də ABŞ təhlükəsizlik xidmətlərinin yoxlamasından keçməlidirlər.

Amerikalı nümayəndələrin sözlərinə görə, təklif olunan tədbirlərin bir çoxu İsraildə narazılıq doğurur.