ABŞ Prezidentinin qonaq evi: "Blair House" kimlərə qapısını açır?

“Blair House” — Ağ Evin qarşısında, Pensilvaniya prospektinin o biri tərəfində yerləşən bir qrup yaşayış evindən ibarət kompleksdir. Bura ABŞ Prezidentinin rəsmi qonaq evi kimi tanınır.

News24.az xəbər verir ki, Birləşmiş Krallığın kraliçası II Yelizaveta və Sovet İttifaqının lideri Nikita Xruşşov da daxil olmaqla, bir çox tanınmış şəxs bu evdə qalıb.

“Blair House”da qalmaq yalnız prezidentin şəxsi dəvəti ilə mümkündür.

Bu il Kanadadan Mark Karni, Hindistandan Narendra Modi və Fransadan Emmanuel Makron ABŞ-yə səfərləri zamanı burada məskunlaşıblar, lakin Cənubi Afrikanın prezidenti Siril Ramafosa bu imkandan yararlanmayıb.

Ukrayna Prezidenti Volodimir Zelenski də ABŞ-yə son səfəri zamanı “Blair House”da qalıb, amma ilin əvvəlindəki ilk səfərində orada məskunlaşmayıb.

Qeyd edək ki, hazırda Suriya Prezidenti Əhməd Əş-Şaraa Vaşinqtondadır və o, “Blair House”da qalmır.