Almaniyanın gizli müharibə planı ortaya çıxdı

Almaniyanın 1200 səhifəlik “OPLAN DEU” adlı genişmiqyaslı əməliyyat sənədi ölkənin Rusiya ilə mümkün toqquşmaya hazırlığını ətraflı şəkildə əks etdirir.

News24.az xəbər verir ki, Berlinin sürətləndirdiyi bu plan yüz minlərlə NATO hərbçisinin Almaniya ərazisi vasitəsilə şərq istiqamətinə təhlükəsiz keçidini və fasiləsiz təminatını mərhələli şəkildə təşkil edir.

Sənədə əsasən, avtomobil və dəmir yolu infrastrukturu, limanlar, həmçinin özəl sektorun müəyyən sahələri mümkün müharibə vəziyyətinə uyğunlaşdırılır. Almaniya hökuməti Rusiyanın ehtimal olunan hücumunun 2029-cu ildən əvvəl baş verə biləcəyindən narahat olaraq hazırlıq prosesini daha da intensivləşdirib.

Məlumata görə, iki il yarım əvvəl yüksək rütbəli alman generalları ölkənin Rusiya ilə qarşıdurma ssenarilərini müzakirə edərək strateji planlamalar aparıblar.