Banqladeşdə sel fəlakəti - Ölü sayı artdı

Banqladeşdə güclü yağışların səbəb olduğu sel və torpaq sürüşmələri nəticəsində ölənlərin sayı artmaqda davam edir.

News24.az xəbər verir ki, təbii fəlakət nəticəsində ölkənin bir sıra bölgələrində yaşayış məntəqələrini su basıb, minlərlə insan evini tərk edib.

Son məlumata görə, ölənlərin sayı 51 nəfərə yüksəlib.

Xilasedicilər zərərçəkənlərin təxliyəsini və axtarış-xilasetmə əməliyyatlarını davam etdirirlər.

Bir çox yaşayış məntəqəsində yolların bağlanması və infrastrukturun zədələnməsi yardım işlərini çətinləşdirir.

Hakimiyyət orqanları əhaliyə təhlükəli ərazilərdən uzaq durmaqla bağlı çağırış edib.