BMT: Qəzzada 50 min qadın və qız öldürülüb

2023-cü ilin oktyabr ayından bəri Qəzzada təxminən 50 min qadın və qız öldürülüb və ya ağır yaralanıb.

News24.az xəbər verir ki, bunu BMT-nin Cenevrə Ofisinin Qadınlar üzrə direktoru Sofiya Kalltorp həftəlik mətbuat konfransında bildirib.

Onun sözlərinə görə, bu müddətdə 38 mindən çox qadın və qız həyatını itirib, 11 700 nəfər isə ağır xəsarət alaraq əlilliklə üzləşib. Bu, Qəzzada hər 21 qadın və qızdan birinin zərər çəkdiyini göstərir.

Kalltorp itkilərin böyük hissəsinin hücumların ilk iki ilində baş verdiyini qeyd edib. O bildirib ki, 2025-ci ilin oktyabrında atəşkəs qüvvəyə mindikdən sonra da qadın və qızlar arasında itkilər davam edib. Həmin vaxtdan bəri 277 qadın və qızın öldüyü bildirilir.