Ermənistanda keçmiş Baş nazirin oğlu həbs edildi

Ermənistanın keçmiş Baş naziri Ovik Abramyanın oğlu, Artaşatın keçmiş meri Arqam Abramyan iki ay müddətinə həbs edilib.

News24.az xəbər verir ki, bu barədə Ermənistan İstintaq Komitəsi məlumat yayıb.

8 avqustda Ermənistan Milli Təhlükəsizlik Xidmətinin (MTX) əməkdaşlarının keçmiş Artaşat meri Arqam Abramyanı saxladığı bildirilib.

Ona qarşı sifarişli qətl törətməyə təhrik etmə maddəsi ilə iş açılıb.

Bu iş 2023-cü ilin aprelində yevangelist İnam Xristianları dini təşkilatının (sektasının) ruhani pastoru S.V.-nin qətli ilə bağlıdır.