Filippində 6,4 bal gücündə zəlzələ oldu

Filippində 6,4 bal gücündə zəlzələ baş verib.

News24.az xəbər verir ki, yeraltı təkanlar Filippinin cənubunda, Saranqani bölgəsinin sahillərində qeydə alınıb.

Yeraltı təkanlar Balut adasından təxminən 37 kilometr cənub-qərbdə, 13 kilometr dərinlikdə qeydə alınıb.

Tektonik mənşəli olduğu bildirilən zəlzələ General Santos şəhəri ilə yanaşı, Saranqani və Cənubi Kotabato bölgələrinin müxtəlif ərazilərində də hiss olunub.

Bəzi məntəqələrdə təkanların intensivliyinin 5 bala çatdığı açıqlanıb.

İlkin qiymətləndirməyə əsasən, zəlzələ nəticəsində ciddi dağıntı qeydə alınmayıb.

Həlak olanlar, xəsarət alanlar və ya maddi ziyanla bağlı isə hələlik rəsmi məlumat verilməyib.