Gərginlikdən sonra kritik görüş: Tramp və Netanyahu yenidən üz-üzə

ABŞ Prezidenti Donald Tramp və İsrailin Baş naziri Benyamin Netanyahu Trampın ikinci prezidentlik müddətinin başlanmasından bəri artıq səkkizinci dəfə görüş keçiriblər.

News24.az xəbər verir ki, son aylarda iki lider arasında münasibətlər birmənalı olmayıb. Tramp bəzi hallarda Netanyahunu İranın dəstəklədiyi "Hizbullah" hərəkatını zəiflətmək məqsədilə Livanda planlaşdırdığı hücumları dayandırmağa çağırıb.

Netanyahu da son həftələrdə etiraf edib ki, onların arasında müəyyən fikir ayrılıqları yaranıb. Buna səbəb İsrail və ABŞ-nin Yaxın Şərqdə maraqlarının bəzi məsələlərdə üst-üstə düşməməsi göstərilir.

İyun ayında tərəflər arasında baş tutan telefon danışığı isə münasibətlərdəki gərginliyi açıq şəkildə ortaya qoyub. Məlumata görə, Tramp həmin söhbət zamanı Netanyahunu "tamamilə dəli" adlandırıb. Bu məlumat əvvəlcə mediaya sızdırılıb, daha sonra isə ABŞ prezidenti tərəfindən ictimai şəkildə təsdiqlənib.

Müşahidəçilərin fikrincə, bu hadisə iki lider arasında zaman-zaman yaranan fikir ayrılıqlarını üzə çıxarıb.

Bununla belə, İsrail bazar günü Trampın Qəzza ilə bağlı sülh planına uyğun olaraq, anklava çoxmillətli təhlükəsizlik qüvvələrinin daxil olmasına icazə verəcəyini açıqlayıb. Bu addım Netanyahunun Trampa jesti kimi qiymətləndirilir. (Reuters)