İranda namus cinayəti - 4 nəfər güllələnərək öldürüldü

Ötən gün İranın Kerman əyalətinin Cazmuryan bölgəsində silahlı insident nəticəsində 4 nəfər öldürülüb.

News24.az xəbər verir ki, bununla bağlı, İranda İnsan Haqları Müdafiəçiləri Qrupu (HRANA) məlumat yayıb.

Məlumata görə, hadisə Məhəmmədabad kəndində baş verib. Şübhəlilər Kalaşnikov avtomatından atəş açaraq 4 nəfəri qətlə yetiriblər.

Cinayətin namus zəminində törədildiyi bildirilir. Hadisədən sonra 3 şəxs saxlanılıb.

Cinayətkarlar qətldən sonra Kerman əyalətini tərk edərək Tehrana gediblər.

Polis onların daha sonra ölkəni qanunsuz yollarla tərk etməyə hazırlaşdıqlarını müəyyən edib.