"İranla razılaşma əldə oluna bilər" - Tramp açıqladı

ABŞ ilə İran arasında razılaşma əldə oluna bilər.

News24.az xəbər verir ki, bu barədə ABŞ Prezidenti Donald Tramp Konqresə keçiriləcək aralıq seçkiləri əfəsində açıqlama verib.

"Onlar sövdələşmə bağlamaq istəyirlər və bu, baş verə bilər", — deyə ABŞ lideri Vaşinqtondakı Güzgülü hovuzun önündə çıxışı zamanı bildirib.

Bununla belə, Tramp Tehranla razılaşmanın hansı məsələləri əhatə edə biləcəyini, Vaşinqtonun hansı şərtlərlə razılığa gəlməyə hazır olduğunu və bunun nə vaxt baş tutacağını dəqiqləşdirməyib.

Qeyd edək ki, fevralın 28-də ABŞ və İsrailin İrana qarşı hərbi əməliyyata başlamasından sonra Vaşinqtonla Tehran arasındakı münasibətlər gərgin olaraq qalır.

İyun ayında tərəflər hərbi əməliyyatların dayandırılması barədə memorandum razılaşdırsalar da, daha sonra yenidən qarşılıqlı zərbələr endiriblər.

Əsas fikir ayrılıqları arasında Hörmüz boğazı ətrafındakı vəziyyət, ABŞ-nin sanksiyaları və İranın nüvə proqramı qalmaqdadır.

Qətərin vasitəçiliyi ilə tərəflər arasındakı dolayı təmaslar davam edir, lakin hələlik heç bir irəliləyişə gətirib çıxarmayıb.