Liviyanın baş kəşfiyyatçısı öldürüldü

Liviyanın şərqində fəaliyyət göstərən Silahlı Qüvvələrin Hərbi Kəşfiyyat İdarəsinin rəhbəri Fauzi əl-Mənsuri sui-qəsd nəticəsində həlak olub.

News24.az xəbər verir ki, bu barədə “Al-Vasat” telekanalı məlumat yayıb.

Məlumata görə, onun avtomobilinə partlayıcı qurğu yerləşdirilib.

Partlayış zamanı general-mayorun avtomobili Bənqazi şəhərindəki Aişə məscidinin yaxınlığında olub.

“Al Arabiya”nın mənbələri əldəqayırma partlayıcı qurğunun avtomobilə yerləşdirildiyini təsdiqləyib.

Təhlükəsizlik xidməti hadisəni terror aktı adlandırıb.

Qeyd edək ki, Fauzi əl-Mənsuri 2024-cü ildən Hərbi Kəşfiyyat İdarəsinin direktoru olub.

Bundan əvvəl o, Fars körfəzi bölgəsindəki qoşunların rəhbəri və Əcdabiyadakı komanda məntəqəsinin başçısı olub.

General-mayor Liviyanın cənubunda keçirilən əməliyyatlarda mütəmadi olaraq iştirak edib.