Məşhur aktyor elə dəyişdi ki, görənlər tanımadı - Foto

Hollivud ulduzu Tom Kruz rejissor Alexandro Qonsales İnyarritunun "Digger" filminin treylerindəki görünüşü ilə pərəstişkarlarını təəccübləndirib.

News24.az xəbər verir ki, bu barədə “Independent” nəşri məlumat yayıb.

Filmdə Tom Kruz neft maqnatı Digger Rokvell obrazını canlandırır.

Aktyorun üzü qrim vasitəsilə yaşlandırılıb, saçları ağardılıb. Bundan əlavə, o, treylerdə indiyədək öyrəşilən obrazlarından daha dolu bədən quruluşunda görünür.

Tom Kruz daha əvvəl bildirib ki, "Digger" onun əvvəl işlədiyi layihələrdən köklü şəkildə fərqlənir. Aktyorun sözlərinə görə, bu film ona indiyədək qarşılaşmadığı dərəcədə böyük yaradıcılıq sınağı təqdim edib.