Hasan Atilla Uğur barəsində saxlanılma qərarı verildi

Türkiyədə keçmiş MİT əməkdaşı Kaşif Kozinoğlunun həbsxanada ölümü ilə bağlı istintaq çərçivəsində yeni əməliyyat keçirilib.

News24.az xəbər verir ki, araşdırmanın 4-cü mərhələsində üç nəfər saxlanılıb. Kiprdə olduğu müəyyən edilən və istefada olan polis polkovniki Hasan Atilla Uğur barəsində də saxlanılma qərarı verilib.

Hazırda həbsdə olan yutubçu Oğuzhan Uğurun atası - Hasan Atilla Uğur hələ saxlanılmayıb.

Qeyd edək ki, Kaşif Kozinoğlu 2011-ci ildə Silivri həbsxanasında müalicə olunarkən vəfat edib. Onun ölümü ilə bağlı araşdırmada həmin vaxt həbsxanada olan şəxslər və hadisə ilə əlaqəli bəzi keçmiş prokurorlar da saxlanılıb.