İran ABŞ-lə razılığa gəldiyini açıqladı

İran Xarici İşlər Nazirliyinin sözçüsü İsmayıl Bəqai bildirib ki, İran və ABŞ arasında anlaşma memorandumunun mətni əsas məqamlar üzrə razılaşdırılıb.

News24.az xəbər verir ki, bu barədə Press TV-nin məlumatında qeyd olunub.

Onun sözlərinə görə, münaqişəyə son qoymağı hədəfləyən potensial razılaşmanın əsas bölmələri hazırdır. Baqai vurğulayıb ki, bu prosesdə həmişə fikir ayrılıqlarının səbəbi ABŞ-nin ziddiyyətli mövqeyi olub.

Daha əvvəl ABŞ prezidenti Donald Tramp ABŞ-nin İranla müharibəni dayandırmağa razı olduğunu açıqlamışdı. Lakin o, tərəflərin hələ sənədləri imzalamadığını qeyd etmişdi.