Sərinişin avtobusları toqquşdu - Ölənlər var - Bu ölkədə

Banqladeşdə sərnişin avtobusları toqquşub.

News24.az xəbər verir ki, qəza paytaxt Dəkkədən təxminən 240 kilometr şimal-şərqdə yerləşən Silhet bölgəsində baş verib.

Hadisə yerinə polis və təcili tibbi yardım briqadaları cəlb olunub.

Polis əməkdaşlarının məlumatına görə, qəza nəticəsində ilkin olaraq 8 nəfər həlak olub, 25 nəfər isə yaralanıb.

Yaralılar ilkin tibbi yardım göstərildikdən sonra ətrafdakı xəstəxanalara yerləşdiriliblər.

Onlardan bəzilərinin vəziyyətinin ağır olduğu bildirilib və ölənlərin sayının arta biləcəyi istisna olunmur.

Hüquq-mühafizə orqanları qəzanın başvermə səbəblərini araşdırır.