İsrail ordusu “İslami Cihad”ın raket bölməsinin iki komandirini öldürdü

İsrail ordusu Qəzza şəhərinə zərbə endirib. Nəticədə “İslami Cihad”ın hərbi qanadının Şucaiyyə batalyonunun raket bölməsinin komandiri Əhməd Mahmud Harba Ramlavi öldürülüb.

News24.az xəbər verir ki, İsrail ordusunun Qəzza şəhəri ərazisində keçirdiyi digər əməliyyat zamanı isə təşkilatın tank əleyhinə raket bölməsinin rəhbəri Münir İbrahim Mazrinin öldürüldüyü açıqlanıb.

İsrail ordusunun mətbuat xidməti bildirib ki, “müharibə boyu və son dövrdə terrorçular İsrail ordusunun qüvvələrinə və İsrail vətəndaşlarına qarşı hücumlar həyata keçirib, həmçinin atəşkəs razılaşmasını sistematik şəkildə pozaraq təşkilatın imkanlarını bərpa etməyə çalışıblar”.