Sunami təhlükəsi - 42 min sakin təxliyə edildi

İyunun 8-də Filippində baş verən zəlzələdən sonra yaranan sunami təhlükəsi səbəbilə Yaponiyanın Mie prefekturası bölgəsində 42 min nəfərin təxliyə edildiyi bildirib.

News24.az xəbər verir ki, prefektura Şima şəhərində 22 201 ev təsərrüfatı və 42 611 nəfərin təxliyəsi barədə göstəriş verib.

Qeyd olunub ki, təxliyə həmçinin Kagoşima prefekturası, Ayti prefekturası və Şizuoka prefekturası şəhərlərində də elan edilib.

Təxliyə həmçinin Naha və Koti prefekturası şəhərlərinin sakinlərini də əhatə edib. /NHK/