Təyyarələrdə tibbi yardım qaydaları dəyişə bilər

ABŞ-nin Federal Aviasiya Administrasiyası (FAA) kommersiya təyyarələrində istifadə olunan təcili tibbi yardım çantaları ilə bağlı yeni qaydalar təklif edib.

News24.az xəbər verir ki, təklifə əsasən, aviaşirkətlər tibbi çantalarda saxlanılmalı olan ləvazimatların dəqiq siyahısına əməl etmək əvəzinə, həyati təhlükə yaradan doqquz tibbi vəziyyətə müdaxilə üçün kifayət qədər tibbi vasitələrlə təmin olunmalıdır.

FAA hesab edir ki, bu yanaşma aviaşirkətlərə daha çox çeviklik verəcək və fövqəladə hallarda sərnişinlərə göstərilən tibbi yardımın səmərəliliyini artıracaq.