Tramp “qırmızı dizel”ə müvəqqəti icazə verdi

ABŞ Prezidenti Donald Tramp magistral yollarda “qırmızı dizel” yanacağından istifadəyə müvəqqəti icazə verib.

News24.az xəbər verir ki, Tramp bununla bağlı sərəncam imzalayıb.

Qərara əsasən, magistral yollarda istifadə olunan qırmızı dizelə görə federal aksiz vergisinin ödənilməsi ilin sonuna qədər təxirə salınacaq.

“Qırmızı dizel” əsasən kənd təsərrüfatı texnikası, tikinti maşınları və digər yolsuzluq nəqliyyat vasitələrində istifadə olunur. Yanacaq adi dizellə eyni olsa da, yolsuzluq məqsədləri üçün vergidən azaddır.

Tramp bildirib ki, qərarın əsas məqsədi fermerlər, yük maşını sürücüləri və digər işçilər üçün yanacaq xərclərini azaltmaqdır.