Türkiyə F-35-lərə görə S-400-ləri satdı - Alan hansı ölkədir?

Türkiyənin Rusiyadan aldığı S-400 zenit-raket sistemləri Fars körfəzi ölkələrindən birinə satılıb.

News24.az xəbər verir ki, bu barədə Türkiyənin “Hürriyet” qəzeti məlumat yayıb.

Nəşrin yazdığına görə, sövdələşmə ilə bağlı rəsmi açıqlamanın bu gün veriləcəyi gözlənilir.

S-400-lərin Birləşmiş Ərəb Əmirlikləri və ya Qətərə göndərildiyi iddia olunur.

Türkiyə hakimiyyəti isə hələlik bu xəbərə münasibət bildirməyib.

Qeyd edək ki, bundan öncə Türkiyə KİV-ləri Ankaranın ABŞ-nin CAATSA sanksiyalarından çıxmaq və F-35 qırıcı proqramına qayıtmaq üçün S-400-lərin Fars körfəzi ölkələrindən birinə satılması variantını nəzərdən keçirdiyini yazıb.

Xatırladaq ki, Türkiyə 2017-ci ildə Rusiyadan 2,5 milyard dollar dəyərində dörd divizion S-400 hava hücumundan müdafiə sistemi alıb.

Bu alışdan sonra Ankara ABŞ-nin F-35 proqramından çıxarılıb.