Türkiyəli məşhur aktyor evində ölü tapıldı

İstanbulun Kağıthane rayonunda məşhur aktyor Serhat Mustafa Kılıç sevgilisi tərəfindən evində ölü vəziyyətdə tapılıb.

News24.az xəbər verir ki, aktyorla bir neçə gün əıaqə saxlamaq mümkün olmayıb.

Aktyorun sevgilisi evə gəldikdə onu qonaq otağındakı divanda hərəkətsiz vəziyyətdə görüb. Hadisə ilə bağlı məlumat verildikdən sonra ünvana aidiyyəti qurumların əməkdaşları göndərilib.

İlkin araşdırma zamanı Kılıçın göz ətrafında, qollarında və ayaqlarında göyərmələr olduğu müəyyən edilib.

Lakin onun bədənində hər hansı yara, kəsik və ya açıq döyülmə izi aşkar edilməyib.