Ukraynadan Novorossiyskə ağır zərbə: xeyli ölən və yaralanan var

Ukraynaya məxsus pilotsuz uçuş aparatlarının gecə saatlarında Rusiyanın Novorossiysk şəhərinə hücumu nəticəsində 4 nəfər, o cümlədən 1 uşaq həlak olub.

News24.az xəbər verir ki, Krasnodar diyarının qubernatoru Veniamin Kondratyev hücum nəticəsində daha 29 nəfər yaralandığını bildirib.

Onlardan 3-nün vəziyyəti ağırdır.

Hücum zamanı 3 fərdi yaşayış evinə və 5 çoxmənzilli binaya ziyan dəyib. Bundan əlavə, pravoslav kilsəsinin və uşaq bağçasının binaları da zərər görüb.

Hazırda hadisə yerində operativ və xilasetmə xidmətləri çalışır. Hücumun nəticələri aradan qaldırılır.