Lavrov bu ölkəni hədələdi

Rusiya Böyük Britaniyanın Ukrayna müharibəsindəki rolunu daha sərt şəkildə qiymətləndirə biləcəyinə dair xəbərdarlıq edib.

News24.az xəbər verir ki, bunu Rusiyanın xarici işlər naziri Sergey Lavrov bildirib. O qeyd edib ki, Britaniya raket qüvvələrinin Rusiya ərazisinə endirilən zərbələrdə iştirak etməsi Moskva tərəfindən münaqişəyə birbaşa müdaxilə kimi qəbul edilə bilər.

Lavrovun sözlərinə görə, əgər xarici dövlətlər Rusiyanın maraqlarına və əmlakına zərər vurmaqda iştirak edirlərsə, Moskvanın da buna uyğun cavab vermək hüququ var.

Nazir qeyd edib ki, Rusiya Prezidenti Vladimir Putin daha əvvəl ölkənin maraqlarına və mülkiyyətinə qarşı hücumlar baş verdiyi halda, Moskvanın dünyanın müxtəlif bölgələrində öz maraqlarını qorumaq üçün addımlar ata biləcəyini bəyan edib.

Lavrov əlavə edib ki, Britaniyanın Rusiya ərazisinə zərbələrdə iştirakını açıq şəkildə nümayiş etdirməsi Moskva üçün həmin ölkənin münaqişənin tərəfinə çevrilməsi kimi qiymətləndirilə bilər.