Yeni il öncəsi İstanbulda böyük əməliyyat: 115 nəfər saxlanıldı

İstanbulda Milad və Yeni il bayramları ərəfəsində terror hücumları planlaşdırmaqda şübhəli bilinən İŞİD üzvlərinə qarşı genişmiqyaslı əməliyyat keçirilib.

News24.az xəbər verir ki, İstanbul Baş Prokurorluğunun Terror Cinayətləri üzrə İstintaq Bürosunun göstərişi ilə polis tərəfindən 124 ünvanda eyni vaxtda aparılan əməliyyatlar nəticəsində 137 şübhəli müəyyən edilib və onlardan 115-i saxlanılıb.

Şübhəlilərin Yeni il tədbirləri çərçivəsində hücumlar planlaşdırdığı, qeyri-müsəlmanlara qarşı zorakılığa çağırış etdiyi və münaqişə zonaları ilə əlaqədə olduğu bildirilir. Əməliyyat zamanı silah-sursat və təşkilata aid sənədlər də müsadirə olunub.