Zelenski Trampın açıqlamalarını təkzib etdi

ABŞ Prezidenti Donald Tramp Ukrayna və Rusiyanın enerji obyektlərinə qarşı hücumları dayandırmaq barədə razılığa gəldiyini açıqlasa da, Ukrayna Prezidenti Volodimir Zelenski bunu yekun razılaşma deyil, qarşılıqlı atəşlərin dayandırılması təklifi kimi qiymətləndirib.

News24.az xəbər verir ki, Ukrayna aylardır Rusiyanın yanacaq infrastrukturunu hədəfə alır. Buna cavab olaraq Moskva ölkənin əsas ixrac məhsullarından biri olan dizel yanacağının xaricə satışını məhdudlaşdırıb.

Zelenski bazar ertəsi bildirib ki, ABŞ hazırda kritik infrastruktura zərbələrin qarşılıqlı şəkildə dayandırılmasını təklif edir.

“Əgər bu, gərginliyin azaldılması istiqamətində ilk addım olarsa, Ukrayna belə bir təşəbbüsü dəstəkləməyə hazırdır”, - deyə Zelenski qeyd edib.